Бош прокуратура ҳузуридаги Департамент ташаббуси билан Мирзо Улуғбек номидаги Ўзбекистон Миллий университетида “Мамлакатимизда иқтисодий ҳуқуқбузарликларга қарши курашиш механизмларини такомиллаштириш масалалари” мавзусида илмий-амалий конференция ўтказилди.
07.04.2026Конференция давомида иқтисодий ҳуқуқбузарликларнинг олдини олиш, уларни аниқлаш ва бартараф этишнинг замонавий ҳуқуқий механизмларини такомиллаштириш, илғор хорижий тажрибаларни жорий этиш ҳамда иқтисодий хавфсизликни таъминлашда давлат органлари ва фуқаролик жамияти институтлари ўртасидаги ҳамкорликни кучайтириш масалалари муҳокама қилинди.
Тадбирда қатор вазирлик ва идоралар, шунингдек, етакчи олий таълим муассасалари вакиллари иштирок этди. Жумладан, Бош прокуратура ҳузуридаги Иқтисодий жиноятларга қарши курашиш департаменти, Иқтисодиёт ва молия вазирлиги, Марказий банк, Божхона қўмитаси, Солиқ қўмитаси, Тошкент давлат юридик университети, Тошкент давлат иқтисодиёт университети, Божхона институти ҳамда Бюджет-солиқ илмий тадқиқотлар институти мутахассислари, профессор-ўқитувчилар ва илмий изланувчилар анжуманда фаол қатнашди.
