Ўзбекистон Республикасининг 2022 йил 3 ноябрдаги “Стандартлаштириш тўғрисида”ги Қонуни ҳамда Вазирлар Маҳкамасининг 2019 йил 14 мартдаги 220-қарори билан тасдиқланган “Стандартлаштириш бўйича техник қўмитанинг фаолиятини ташкил этиш таркиби тўғрисидаги низом”га мувофиқ қишлоқ хўжалиги ва озиқ-овқат маҳсулотларини стандартлаштириш ишларини такомиллаштириш, миллий ва халқаро самарадорлигини ошириш мақсадида Истеъмол ва техник этил спирти, алкоголь ва тамаки маҳсулотларини ишлаб чиқариш бўйича техник қўмитаси ташкил этилган.
17.08.2025Бугунги кунда Алкоголь ва тамаки бозорини тартибга солиш инспекцияси томонидан Истеъмол ва техник этил спирти, алкоголь ва тамаки маҳсулотларини ишлаб чиқариш бўйича техник қўмита билан ҳамкорликда соҳага тегишли Давлатлараро стандартларни амалиётга татбиқ қилиш ҳамда ушбу стандартлар асосида миллий стандарт ишлаб чиқиш бўйича тизимли ишлар амалга оширилмоқда.
Хусусан, алкоголь маҳсулотларини ишлаб чиқарувчи тадбиркорлик субъектларининг миллий стандартларни амалиётга жорий этиш борасидаги мурожаатларини ўрганиш мақсадида Zoom платформаси орқали навбатдаги онлайн йиғилиш ўтказилди.
Унда тадбиркорнинг фикр-мулоҳазалари тингланди ҳамда алкоголь маҳсулотлари учун халқаро талабларга мос равишда миллий стандарт лойиҳасини ишлаб чиқиш бўйича келишиб олинди. Ушбу стандарт лойиҳасини белгиланган тартибда ишлаб чиқиш юзасидан мутахассислар томонидан тегишли кўрсатмалар берилди.
