Навоий шаҳрида 34,8 млрд сўмлик маблағлар “keshbek” сифатида ҳисобланиб ўзлаштириб юборилганлиги фош этилди
02.07.2026Бош прокуратура ҳузуридаги Департаментнинг Навоий шаҳри бўлими томонидан ўтказилган терговга қадар текширувда 13 та МЧЖ масъул шахслари ва бошқалар ўзаро тил бириктириб, 4,5 трлн сўмлик маҳсулотлар етказиб берилганлиги ҳақида сохта электрон ҳисоб-фактураларни расмийлаштириб, гўёки савдодан тушган пулларни назорат касса машиналари орқали кирим қилиб, фуқароларга сотганлиги ҳақида харид чекларини чиқариб, 105 524 нафар фуқарога “Soliq Mobile” иловаси орқали “keshbek” сифатида 34,8 млрд сўм ҳисобланиб ўзлаштириб юборганликлари аниқланган.
Мазкур ҳолат юзасидан Жиноят кодексининг 168-моддаси (фирибгарлик) ва 228-моддаси (ҳужжатлар, штамплар, муҳрлар, бланкалар тайёрлаш, уларни қалбакилаштириш, сотиш ёки улардан фойдаланиш) билан жиноят иши қўзғатилиб, тергов ҳаракатлари ўтказилмоқда.
