Данғара туманида фуқаронинг пулини қўлга киритган ТЭТ ходимлари фош этилди
02.07.2026Бош прокуратура ҳузуридаги Департаментнинг Данғара тумани бўлими томонидан ўтказилган терговга қадар текширувда Данғара ТЭТ муҳандиси И.Ж. ва собиқ ходими А.А.лар ўзаро тил бириктириб, фуқаро О.Н.нинг ишончига кириб, хонадонидаги электр энергияси тўлови учун деб 16 млн сўмини олганликлари ва О.Н.нинг электр ҳисоблагичини ТЭТ “Биллинг” дастуридан чиқариб юборганликлари ҳамда ушбу пулларни О.Н.нинг абонент ҳисоб рақамига кирим қилмасдан ўз эҳтиёжлари учун ишлатиб юборганликлари аниқланган.
Мазкур ҳолат юзасидан Жиноят кодексининг 168-моддаси (фирибгарлик) билан жиноят иши қўзғатилиб, тергов ҳаракатлари ўтказилмоқда.
