Денов туманида гиёҳвандлик воситалари савдоси билан шуғулланиб келган шахслар ушланди

20.05.2026

Бош прокуратура ҳузуридаги Департаментнинг Денов тумани бўлими ва бошқа ҳуқуқни муҳофаза қилувчи орган ходимлари ҳамкорлигида ўтказилган тезкор тадбирда гиёҳвандлик воситалари савдоси билан шуғулланиб келган фуқаролар О.Ж., Ў.И., О.Н. ва З.М. (муқаддам ЖКнинг 273, 276 ва 251-1-моддалари билан судланган) ўзаро тил бириктириб, фуқаро М.Х.га 1,35 грамм “гашиш” гиёҳвандлик воситасини 600 минг сўмга сотган вақтида ушланиб, улардан жами 9,41 г “гашиш” гиёҳвандлик воситаси ва 5 дона кучли таъсир қилувчи дори воситаси ашёвий далил сифатида олинган. 
 

Мазкур ҳолат юзасидан Жиноят кодексининг 251-1-моддаси (гиёҳвандлик воситалари, уларнинг аналоглари ёки психотроп моддалар ҳисобланмайдиган кучли таъсир қилувчи моддаларни тарғиб қилувчи маҳсулотни тайёрлаш, тарқатиш, реклама қилиш, намойиш этиш ёки бундай моддаларни ёхуд заҳарли моддаларни қонунга хилоф равишда муомалага киритиш) ва 273-моддаси (гиёҳвандлик воситалари, уларнинг аналоглари ёки психотроп моддаларни ўтказиш мақсадини кўзлаб қонунга хилоф равишда тайёрлаш, олиш, сақлаш ва бошқа ҳаракатлар қилиш, шунингдек уларни қонунга хилоф равишда ўтказиш) билан жиноят иши қўзғатилиб, терговга тегишлилиги бўйича юборилган.