Самарқанд вилоятида ноқонуний равишда маъданли тошлардан олтин ажратиб олиш билан шуғулланиб келган шахслар ушланди
15.04.2026Бош прокуратура ҳузуридаги Департаментнинг Нарпай тумани бўлими томонидан ўтказилган терговга қадар текширувда фуқаролар Д.А., М.А. ва бошқалар ўзаро тил бириктириб, Пахтачи тумани ҳудудида таркибида олтин бўлиши мумкин бўлган 5 тонна маъданли тошларни тегишли рухсатномасиз ноқонуний равишда қазиб олиб, қўлбола усулда ясалган ускуналар ёрдамида олтин ажратиб олиш фаолияти билан шуғулланиб келганликлари аниқланган.
Мазкур ҳолат юзасидан Жиноят кодексининг 196-2-моддаси (фойдали қазилмаларни олтин изловчилар усулида рухсатномасиз қазиб олиш) билан жиноят иши қўзғатилиб, тергов ҳаракатлари ўтказилмоқда.
