Қашқадарё вилояти ва Тошкент шаҳрида 1,1 млрд сўмлик энергия ресурсларидан ноқонуний фойдаланиш ҳолатлари фош этилди
30.03.2026Бош прокуратура ҳузуридаги Департаментнинг Яккабоғ тумани бўлими ходимлари томонидан “Ўзэнергоинспекция” ва “Энерготаъминот” филиали мутахассислари ҳамкорлигида ўтказилган рейд тадбирида “I.F.” МЧЖ масъул шахслари савдо мажмуаси биносида ўрнатилган электр ҳисоблаш ускунасига ташқи таъсир кўрсатиб, 601,6 млн сўмлик электр энергиясидан ноқонуний фойдаланганликлари аниқланган.
Департаментнинг Сергели туман бўлими томонидан ўтказилган терговга қадар текширувда “H.S.” МЧЖ масъул шахслари ишлаб чиқариш цехида умумий фойдаланишдаги газ тармоғига 2 та сув иситиш қозони ва бошқа жиҳозларни тижорат мақсадида тўғридан-тўғри улаб, 514,1 млн сўмлик табиий газдан ноқонуний фойдаланганликлари аниқланган.
Мазкур ҳолатлар юзасидан Жиноят кодексининг 169-моддаси (ўғрилик) билан жиноят ишлари қўзғатилиб, тергов ҳаракатлари ўтказилмоқда.
