Наманган ва Самарқанд вилоятларида валюта қимматликлари савдоси билан шуғулланиб келган шахслар ушланди
10.03.2026Бош прокуратура ҳузуридаги Департаментнинг Давлатобод тумани бўлими ходимлари ва бошқа ҳуқуқни муҳофаза қилувчи орган ходимлари ҳамкорлигида ўтказилган тезкор тадбирда валюта айирбошлаш билан шуғулланиб келган Ш.Р. фуқаро М.Х.га 15 000 АҚШ долларини 183 млн сўмга сотган вақтида ашёвий далиллар билан ушланган.
Шу каби, Департаментнинг Иштихон тумани бўлими ва бошқа ҳуқуқни муҳофаза қилувчи орган ходимлари ҳамкорлигида ўтказилган тезкор тадбирда валюта айирбошлаш билан шуғулланиб келган З.Т. фуқаро А.А.га 5 600 АҚШ долларини 68,2 млн сўмга сотган вақтида ушланиб, тадбир давомида 5 700 АҚШ доллари ва 39,2 млн сўм ашёвий далил сифатида олинган.
Мазкур ҳолатлар юзасидан Жиноят кодексининг 177-моддаси (валюта қимматликларини қонунга хилоф равишда олиш ёки ўтказиш) билан жиноят ишлари қўзғатилиб, тергов ҳаракатлари ўтказилмоқда.
